ગાેલ્ડન-સિલ્વર પસંદગીના નંબરાે માટે સુરત આરટીઆે કરશે હરાજી

૧૧ થી ૧૪થી જાન્યુ દરમિયાન ઓનલાઈન અરજી કરી શકાશે.
સુરતઃબુધવારઃ- સુરતના પાલ સ્થિત આરટીઓ દ્વારા ચાર-ચક્રીય વાહનોના પસંદગીના નંબરો માટે ઓનલાઈન હરાજી કરવામાં આવશે. ચાર ચક્રિય વાહનોના GJ05.RC, GJ05.RD, GJ05.RE, GJ05.RG, GJ05.RH, GJ05.RJ, GJ05.RK, GJ05.RL, GJ05.RM, ના ગોલ્ડન અને સિલ્વર સિરીઝના નંબરની ઓનલાઈન હરાજી થશે. ઓનલાઈન હરાજીની અરજી તા.૧૧/૦૧/૨૦૨૧ થી તા.૧૪/૧/૨૦૨૧ દરમિયાન કરી શકાશે. જેમાં http:/parivahan.gov.in/fancy પર ઓનલાઈન ફોર્મ ભરી રજિસ્ટ્રેશન કરી ઈચ્છુક વાહન માલિકો ભાગ લઇ શકશે. હરાજીનું બિડિંગ તા. ૧૪ અને ૧૫/૧/૨૦૨૧ના રોજ ઓપન થશે. તા.૧૬મી સુધીમાં ફોર્મ જમા કરવાના રહેશે.
અરજદારોએ સાત દિવસમાં ઓનલાઈન સી.એન.એ. ફોર્મ સબમિટ કરવાનું રહેશે. જો આ ફોર્મ રજૂ નહિ કર્યું હોય તો નંબરની ફાળવવા કરવામાં નહિ. વાહનના સેલ લેટરમાં સેલ તારીખથી ૬૦ દિનની અંદરના જ અરજદારો હરાજીમાં ભાગ લઇ શકશે. સમયમર્યાદાની બહારની અરજીઓ રદ કરવામાં આવશે તેમ પ્રાદેશિક વાહનવ્યવહાર અધિકારી, સુરત, પાલ દ્વારા જણાવાયું છે.