મહેસાણાના કડીના યુવક અશોક પટેલની અમેરિકાના પેન્સિલવેનિયામાં ગોળી મારીને હત્યા કરવામાં આવી હોવાના સમાચાર પ્રાપ્ત થયા છે.. મૃતક અશોક અંબાલાલ પટેલ નોકરી દરમિયાન સ્ટોર બંધ કરી રહ્યો હતો એ જ સમયે લૂંટારુઓએ હુમલો કર્યો હતો. મૃતક કડીના વડુ ગામના વતની છે અને છેલ્લા 8 વર્ષથી અમેરિકામાં સ્થાયી થયા હતા.
મહેસાણા જિલ્લાના કડીના વડુ ગામના રહેવાસી અશોક અંબાલાલ પટેલ નોકરી અર્થે અમેરિકા ગયા હતા. છેલ્લા 8 વર્ષથી તેઓ અમેરિકામાં સ્થાયી થયા હતા. સારી ઓફર મળતા તેમણે પેન્સિલવેનિયામાં એક સ્ટોરમાં નવી નોકરીની શરૂઆત કરી હતી. તેમની ગોળી મારી હત્યાના સમાચાર મળતા જ ગામના આગેવાનો અને સગાસંબધીઓ વડુમાં મૃતકના પરિવારને સાંત્વના આપવા પહોંચી ગયા હતા. ગામમાં શોકની કાલીમાં ફેલાય હતી.