• Fri. Mar 29th, 2024

NEWS NETWORKS

Division of City Samay RNI No: GUJGUJ/2016/76484

ધોળકામાં જમીનમાં નામ દાખલ કરાવવા 25 લાખની લાંચ લેતા મામલતદાર રંગેહાથ ઝડપાયા

અમદાવાદ. ધોળકા તાલુકા સેવા સદનના મામલતદાર હાર્દિક મોતીભાઈ ડામોરને એન્ટી કરપ્શન બ્યૂરોની ટીમે રૂ. 25 લાખની લાંચ લેતા રંગેહાથ ઝડપી લીધા છે. ધોળકા મામલતદાર કચેરીમાં જ એસીબીએ ટ્રેપ ગોઠવી હતી જે સફળ રહી હતી. બિનખેડૂતને ફરી ખેડૂત તરીકે કાયમ કરવાના કામમાં વચેટિયા મારફતે લાંચની રકમ માંગવામાં આવી હોવાનું જણાયું હતું. એસીબીએ મૂળ દાહોદના ઝાબના નિવાસી અને હાલ ધોળકા રહેતા મામલતદાર હાર્દિક મોતીભાઈ ડામોરને લાંચની રકમ સાથે રંગેહાથ ઝડપી લીધા હતા.

આ કેસમાં ધોળકાના સોનાર કુઈના રહેવાસી એવા અન્ય આરોપી જગદીશ જેઠાભાઈ રાઠોડને પણ એસીબીએ પકડી લીધો હતો. પ્રાપ્ત વિગતો મુજબ ફરિયાદીએ એસીબીને જણાવ્યું હતું કે, બદરખાની સીમમાં આવેલી સર્વે નં. 269 (અ) જમીનમાં ક્ષેત્રફળ સુધારણા અંગેની અરજી મામલતદાર કચેરી ધોળકામાં આપી હતી. આ અરજીના આધારે ક્ષેત્રફળમાં સુધારો કરી આપવા સાથે બિનખેડૂતમાંથી ફરી ખેડૂત કાયમ કરવા જણાવ્યું હતું. આ કામ માટે મામલતદાર હાર્દિક ડામોરે રૂ. 25,00,000ની લાંચ માંગી હતી.

ધોળકાના મામલતદાર હાર્દિક ડામોર અને અન્ય આરોપી જગદીશ પરમાર દ્વારા ફરિયાદી પાસેથી રૂપિયા 75 લાખની લાંચ માંગવામાં આવી હતી. ફરિયાદીની ધોલેરા હાઈવે પાસે રૂપગઢમાં જમીન આવેલી છે. આ જમીન સંપાદન થવાની હતી પરંતુ ફરિયાદીના દાદા અને પિતા ખેડૂત હતા પરંતુ તેમનું નામ ખેડૂતમાંથી નીકળી ગયું હોવાથી તેમણે ખેડૂત બનવા અરજી કરી હતી. આ અંગેની કાર્યવાહી ચાલી રહી હતી. આ પ્રક્રિયા માટે મામલતદાર તરફથી 75 લાખની લાંચ માંગવામાં આવી હતી. અંતે આ માટે કુલ 25 લાખ રૂપિયા નક્કી કરવામાં આવ્યા હતા.

ફરિયાદી આ લાંચની રકમ આપવા ના માંગતા હોવાથી તેણે એસીબીમાં ફરિયાદ કરી હતી અને તેની ફરિયાદને આધારે એસીબીની અધિકારીઓએ ટ્રેપ ગોઠવીને બન્ને આરોપીઓને ઝડપી લીધા હતા. પ્રથમ આરોપી ધોળકાના મામલતદાર હાર્દિક મોતીભાઈ ડામોર પાસેથી રૂ. 20,00,000 મળી આવ્યા હતા તેમજ અન્ય આરોપી જગદીશ પરમાર પાસેથી રૂ. 5,00,000 લાખ મળ્યા હોવાનું એસીબીએ જણાવ્યું હતું.

અમારા Whatsapp ગ્રુપ માં જોડાઈને મેળવો તમામ અપડેટ : News Networks Social Media Group

Leave a Reply

Your email address will not be published. Required fields are marked *

Translate »