• Sun. Jun 26th, 2022

NEWS NETWORKS

Division of City Samay RNI No: GUJGUJ/2016/76484

કોરોનાના બીજા ગંભીર ફેઝને આયોજનબદ્ધ રીતે નિયંત્રિત કરનાર સુરત મનપા કમિશનરની ભારોભાર પ્રસંશા

સુરત મ્યુનિસિપલ કમિશનર બંછાનિધિ પાની (IAS)એ કોરોના સમયગાળા દરમિયાન શહેરમાં કોરોના પરિસ્થિતિને નિયંત્રણમાં રાખવા માટે સતત પ્રયત્નો કર્યા હતા. જેની કોવિડ કંટ્રોલ સુરત મોડેલની મુખ્ય પ્રધાન વિજયભાઇ રૂપાણી અને દિલ્હીના ઉચ્ચ અધિકારીઓ દ્વારા પ્રશંસા કરવામાં આવી છે. કોરોના ફેઝમાં ખૂબ જ સક્રિયતા દાખવનારા અને ટેસ્ટિંગ, ટ્રેસિંગ અને ટ્રીટમેન્ટનું યોગ્ય પ્લાનિંગ કરીને શહેરીજનોના સ્વાસ્થય અંગે દોડધામ કરનારા કમિશનર પાનીએ ભારે સંકટમય બીજા ફેઝમાં પણ ખૂબ જ પ્લાનિંગ સાથે લગાતાર વધતા કેસને અંકુશમાં લેવાનું શ્રેય પ્રાપ્ત કર્યું છે.

બીએસ પાનીએ લગાતાર દેખરેખ, સર્વેલન્સ, ધનવંતરી રથ, 104 હેલ્પલાઇન નંબર, કોમ્યુનિટી કોવિડ આઇસોલેશન સેન્ટર, કોવિડ વોર રૂમ અને સઘન તપાસ, ધન્વંતરી રથની સંખ્યામાં વધારો, કમ્યુનિટિ કોવિડ આઇસોલેશન સેન્ટર, હોટલ સાથે ટાઈઅપ, વિવિધ સમુદાયના ઓક્સિજન પલંગ, સંજીવની રથ, વેન્ટિલેટર, આધુનિક તબીબી ઉપકરણો, કાપડ ડાયમંડ એકમોમાં આક્રમક પરીક્ષણ, દુકાનદારો અને નાના વિક્રેતાઓનું પરીક્ષણ, અને તાકીદની સ્થિતિને પહોંચી વળવા કોરોના રક્ષક રસી, માર્ગદર્શન અને ફીલ્ડવર્ક સહિતના કામોનું આયોજનબદ્ધ રીતે પોતાની ટીમ પાસે પુરા કરાવ્યા. કોવિડ -19 શહેરના રહેવાસીઓને ઓડિયો-વીડિયો સંદેશાઓથી સંક્રમણને નિયંત્રિત કરવા માટે લગાતાર અપીલ પણ તેઓએ કરી હતી.
પરિણામે, સુરત શહેરમાં કોરોનાનો પોઝિટિવિટી રેટ 1 ટકાથી પણ નીચે આવી ગયો છે. સરકારી હોસ્પિટલોમાં હાલ 87% પથારી ખાલી છે. 108 એમ્બ્યુલન્સને દરરોજ 339 કોલ મળી રહ્મયાં હતા જે ઘટાડીને હાલ 24 થઈ છે. હોસ્પિટલોમાં ઓક્સિજનનો વપરાશ 220 મેટ્રીક ટનથી ઘટીને 55 મેટ્રિક ટન પર આવી ગયો છે. ટ્રીપલ ટીને કારણે શહેરમાં કોરોના કાબુમાં આવી શક્યો. રાજ્યની અન્ય નગરપાલિકાઓ અને મોટા શહેરોની તુલનામાં સુરત શહેર જલ્દીથી કોરોનાના બીજા ફેઝમાંથી બહાર આવવા સક્ષમ બન્યું. સુરત મ્યુનિસિપલ કમિશનર બંછા નિધિ પાનીના કોવિડ કંટ્રોલ સુરત મોડેલની મુખ્ય પ્રધાન વિજયભાઇ રૂપાણી અને દિલ્હીના ઉચ્ચ અધિકારીઓ દ્વારા પ્રશંસા કરવામાં આવી છે.

અમારા Whatsapp ગ્રુપ માં જોડાઈને મેળવો તમામ અપડેટ : News Networks Social Media Group

Leave a Reply

Your email address will not be published.

Translate »